ඒ වුනත් සඳ වත....

අහස් ගඟ තරණය කර

කොයිබට ද යන්නෙ සඳ නුඹ

ඇති නේද නිවහනක් නුඹටත්

නුඹ එනකං කියල මග බලන

සොඳ සඳ පැටව් සතුට උතුරන...

ඉර දෙයියො පවරාපු

රාජකාරිත් බොහොම ඇති

ඔහෙ ඉඳන් හැමදේම

ලස්සනට පේනවා ඇති

සුරංගනා ලෝකෙත්

පහු කරන් එනව ඇති

එහෙත් ඇති මං වගෙම ළදැරියක්

හැම දාම නුඹ දැකල අත වනන වත් ඇති...

දවස තිස් සෙම වැඩ කලත්

මහන්සියක් නැතුවාද

ඔය තරම් හිනැහෙන්නෙ

කොහොමද හැබෑටම...

ඒ වුනත් සඳ වත

මේ ටිකත් අහන වද

හැම දාම ටිකෙන් ටික

මහත් වෙන සිනහව

කොයි තරම් නම් කැත ද

අටවක දවසක දි නුඹ පාන

මන්දස්මිතයකට වැඩිය....

**පිංතූරය ගත්තෙ මෙතනින්
***විශේෂ ඉස්කෝතුව ජානි වසන්ති මගෙ බොක්කෙ පිට් එකට මේ පින්තූරෙ උඩ අකුරු ටික ඇලෙව්වට....