අනවශ්‍ය ප්‍රශ්න නේ.! - The Burden of Borrowed Chaos

              

කල්පනා කරන්න ඕනවට ප්‍රශ්න දාගන්නවද මංද

          අපි එකාකාර ආසාවන් තියෙන මිනිස්සු නෙව. නේද.? අන්න ඒ වෙනස හින්ද සහ මිනිස්සු විවිධාකාර හින්දනේ අපිට එකිනෙක හා සහජීවනය නැත්නම් (community living) (වචනේ හරිද දන්නෑ) interesting වෙලා තියෙන්නේ. ඒත් සමහර වෙලාවට මිනිස්සු කරන සමහර දේවල් ගැන මට තියෙන්නේ, මේ මොන බුල්ෂිටක්ද වගේ හැඟීමක්. I am not being judgemental (මම අනෙකාව විනිශ්චය කරනවා නොවේ) හුදෙක්ම මාගේ මනෝ විකාරී ප්‍රශ්නකාරී හැඟීමන් ප්‍රකාශ කරනවා පමණයි. 

මඟ නොදැන - In the event of confusion, what is the next course of action?

 

මේ මම.. මම නිකං ඉන්නකොට

                  මම ලියන ලිපි වලට, අපි හැමෝටම තේරෙන විදියට කියනවනම් පෝස්ට් වලට වීව්ස් තියෙන්නේ ඉතාම අඩුවෙන්. මට ඇත්තටම ඒ ගැන මම ලියන්න පටන් ගත්ත මුල් කාලේ තිබුණේ හරි ශෝකාකූල හැඟීමක්. නැත්තං කලකිරීමක්. හරි හමන් විදිහට නොමේරපු එකෙක් විදිහට ඒ දවස්වල මම හිතන් හිටියේ මට හොඳට අනිත් අයට තරම්ම ලියන්න පුළුවන් කියලා. ඒත් කොච්චර දුක හිතුනත් නොවැටි හිටිය ඒ කාලේ මම මොන මොනවා හරි ලියන එක දිගටම කරගෙන ගියා. හැමදේම එකම විදිහට තියෙන්නේ නෑ කියනවා වගේ මටත් හති වැටුණ කාලයක් ආවා. ඉතින් මම අතින් ලියන එක මග ඇරුන. නැත්තං මම නොසලකා හැරිය කියලත් කියන්නත් පුළුවන්.

අපි අපේ වෙලා එක මොහොතක් උයනක් වෙරළක

             

කලබලකාරී ඒ නගරයෙන් මදක් දුරින් නිස්කාංසුවේ පිහිටා තිබූ ඒ රෙස්ටොරන්ටුවේ වීදුරු කවුළු වලට එපිටින් මහ වැස්සක් ඇද හැලෙමින් තිබිණ. බොහෝ දිනක් දැඩි අව් රශ්මියෙන් පීඩාවට පත් වී වියළී මළානික වී උන් තුරුලතාවෝ ඒ වරුසාවෙන් සිත්සේ නිවෙමිනි. සැනහෙමිනි. රෙස්ටොරන්ටුව ඇතුලේ සිට වරුසාව දෙස බලාගෙන නිහඬව සිටි යුවළකි. ඔවුන් දෙදෙනගේම මුහුණු උතුරා ගලා යන්නට තරම් පිරී තිබූ හැඟීම් ගොන්නකි. නමුත් ඒ වීදුරු කවුළු වලට ඔබ්බෙන් වැටෙන වරුසාවෙන් නෙත් මුදවා ඔවුනොවුන් දෙස බලන මොහොත තෙක් පමණි. දෙදෙනගේ නෙත් යුග එකිනෙක ගැටුණ පළමු තත්පරයේ දී ම දෙදෙනගේ මුහුණු අමුතු ජීවයකින් පිරී ඉතිරී ගියේය. ඔවුනොවුන් මොහොතක් එකිනෙකා දෙස තවත් තත්පර කිහිපයක් බලා සිටියෝය. ඔවුන් මුණ ගැසුණේ හදිසියේම ය. ඒ දින ගණනාවක කෙටි පණිවිඩ එහා මෙහා යාමක ප්‍රතිඵලයක් ලෙසිනි. එය අහම්බයකින් ඇරඹුණක් විය. ඔවුන්ගේ මේ හමුවීම ඒ අහම්බයේ ප්‍රතිඵලයකි. එසේම කෙටි මුත් දිගු කතාවකි. 

සඳ මංඥං වුණාම මොකද කරන්නෙ.? - What do you do when you are depressed?

 

මේ ඉන්නෙ මම දෝ මන්ද

මේ දවස් ටිකේම දිගටම කළේ චිත්‍රපටි බලන එක. ඒවත් අලුත් එව්ව නෙවී. එකේක කාල වල හැදුන එකේක අධ්‍යක්ෂක වරුන්  විසින් අධ්‍යක්ෂණය කරන්නට යෙදුණ ඇක්ෂන් ෆිල්ම්ස්. ඔක්කම ඇක්ෂන්. ඒ මම වැඩියෙන්ම ප්‍රිය කරන රොමෑන්ස් ඩ්‍රාමා වගේ කැටගරිස් සියල්ලම මගෑරල. 

විවාහපේක්ෂිත තරුණියන්ගේ මාරයා - Bhagwat: Chapter 01 - Raakshas

 

මෝහන් කුමාර් නැත්නම් සයනයිඩ් මෝහන් කියන්නෙ දාම ඝාතකයෙක්. ඔහුගෙ අවසාන ගොදුරු ප්‍රයත්නය විදිහට සලකන්නෙ අනීතා කියන තරුණිය. 2009 දවසක ඇය හදිසියෙම අතුරුදහන් වෙනව. හුඟක් ඉන්දීය තරුණියන් වගේම ඇයත්.කවුරු හරි සමඟ පැනල යන්න ඇති කියල හිතුවත් මේ සම්බන්ධයෙන් විමර්ශනය කරන නිලධාරීන්ට වෙනත් අතුරුදහන් වීම් හා සම්බන්ධ තොරතුරු රැසක් මේ අතුරුදහන් වීම සමග දැනගන්නට ලැබෙනව. ඒ හෝඩුවාවන් ඔස්සේ ඉදිරියට යන පොලිසියට සයනයිඩ් මෝහන් හෙවත් මෝහන් කුමාර්ව හම්බ වෙනව.  

දිනන දවසක් - Whispers Of Desire

මම හිතනවා ඔයාලා තීරු ලිපි කියවලා ඇති කියලා. ඇත්තටම මගේ ප්‍රියතම සාහිත්‍යය ශානරයක් තමයි තීරු ලිපි කියන්නෙ.  රසික ජයකොඩි ගේ ඉඳන් නීල් විජේරත්න වෙනකන් නැත්නම් මහාචාර්ය ධම්මික ගංගානාත් මහත්මයා වෙනකන් මගේ තීරුලිපි කියවීමේ පරාසය සීමාවක් නැතුවම විහිදිලා යනවා. ඒ වගේම තමයි කවදාහරි දවසක මමත් තීරු ලිපියක් ලියන්න ඕන කියලා ලොකු ආසාවක් හිතේ තිබුණා. ඒත් මම වගේ  ලිවීම ගැන ලොකු හැකියාවක් නැති කෙනෙක්ට ඒක ටිකක් දුෂ්කර කාර්යයක්. පුවත්පතකට ලියන්න බැරි උනත් මුහුණු පොතේ මගෙ පේජ් එක වෙනුවෙන්  තීරු ලිපියක් වගේ ලිපියක්, අඩුම වශයෙන් ඒ ආසන්නයට එන ලිපියක් ලියන්න මට පුළුවන් වෙයි කියලා මම විශ්වාස කරනව. ඉතින් මගෙ මේ වෑයම ඒ වෙනුවෙන්.

මහා ගින්නක වියරුවට එරෙහිව : The Lost Bus

2025 අවුරුද්දේ නිකුත් උන තවත්  චිත්‍රපටයක් තමයි The Lost Bus කියන්නේ.  චිත්‍රපටය අධ්‍යක්ෂණය කරන්නේ The bourne series, United 93, Captain Philips, Bloody Sunday වගේ චිත්‍රපට අධ්‍යක්ෂණය කළ Paul green grass විසින්. මේ චිත්‍රපටයට පසුබිම් වෙන්නේ 2018 අවුරුද්දේ කැලිෆෝනියාවේ සිද්ධ උන "Camp Fire"  කියන නමින් ප්‍රසිද්ධ ලැව් ගින්න පාදක කරගෙන. මේ චිත්‍රපටය නිකුත් වෙන්නේ Apple TV ඔස්සේ. ඒ වගේම සීමිත දර්ශන වාර කිහිපයක් සිනමාශාලාවලටත් ලැබුණා. මේ චිත්‍රපටයට ජාත්‍යන්තර  සිනමා දත්ත දර්ශකයෙන් වගේම රොට්න් ටොමැටෝස් විචාරක අඩවියෙනුත් ඉහළ පැසසුම් හිමිවෙලා තියෙනවා.

කෲරත්වයේ මහා පා ගමන : The Long Walk

~Minor Spoiler Alearts~

The Long walk චිත්‍රපටයෙ වෙබි පිටපත පහුගියදා නිකුත් කෙරුණා. ලංකාවෙ සිනමාහල් වල සීමිතව තිරගත වුණ  හින්දා මේක බලන්න වුණේ නං පුංචි තිරේ තමයි. චිත්‍රපටය ගැන කතා කරන්න කලිං ඊට පසුබිම් වුණ පොත ගැන ටිකක් බලල ඉමුද?

උත්පත්ති - GENESIS

         

පසුගිය දින කිහිපයම ගත වූයේ පොතක් කියවීමට නොහැකි වීමේ සාංකාවකිනි. ඊට ඉසිඹුවක් නොලැබීමේ සෝතාපයෙනි. ඉදින් ලද පළමු අවස්ථාවේම අතට හසුවූ පොත කියවන්නට සිතීම අහම්බයක් නොවන බව සිතමි. පොත අතට ගත්තේ බොහෝ බලාපොරොත්තු පෙරැදිරිව බව කිව යුතුමය. හේතුව නම් ස්වර්ණ පුස්තකය සඳහා මෙන්ම රාජ්‍ය සාහිත්‍ය සම්මානය සඳහා ද දෙවර්ෂයක දී කෘතීන් ද්වයක් සඳහා සුදුසුකම් ලැබීම මෙන්ම ප්‍රවීණ කතුවරයෙක් ලෙස සැලකිව හැකි වීමද විය යුතු බව සිතමි.

පා ගමන් වන්දනාව, දන්සැල්, ඇබ්බැහිකම් සහ නොහොබිනාකම්.

        

ඉටිපහන් දැල්වීම පිණිස

ඒ.. මගේසා.. මගේසා.. අංගේ.. අංගේ .. අර.. අර නඩන්ද වාර ආකල්.. (පයින් එන අය) අපේ රියදුරා පෙන්නුවෙ අපහසුවෙන් වගේ ඇවිදන් එන කිහිප දෙනෙක්. පාවහන් නැතිව රිටක වාරුවක් විතරක් අතේ තියාගෙන, සියලු බඩු බර බැක් පැකයකට භාර දීල ඒ බරිනුත් හෙම්බත් වෙලා කොරගහමින් වගේ බොහොම වෙහෙසට පත් වුණ මුහුණින්, ඒත් සිනහවෙමින් හරියට රටක් රාජ්ජයක් දිනුව වගේ, සතුටින් සුරුවම දිහාට ඇදෙන අය දිහාවෙ බලපු මට ඒ මිනිස්සු ගැන ඇතිවුණේ ගෞරවයක්.