අවන්හල: අඬහැරය

Showing posts with label අඬහැරය. Show all posts

Monday, March 14, 2016

ඉදින් සසර තව දුර ඇවිදිමු දේවී....

ඇඟිලි තුඩු අගිස්සෙන් නළල මිරිකා
ඉතිරි වී තිබු එකම හීනෙත්
තුට්ටුවක් ගෙන විකිණුවා
ඒ වුණත් අදටයි හෙටටයි මිසක්
ඇතිද අඩු ගාණෙ සතියකටවත්
ඇහෙන නෑහෙන තරමින්
යසෝදරාවිය මොනවද කියන්නී....

එන්න මල් පිපී දැයි බලන්න..

හිස් පිටුවක කවියක් කතාවක් ලියනවට වඩා අමාරුයි ජීවිතේ ලියන එක.. මේ මේ විදියට වෙන්න ඕන කියල සැලසුමක් නැතිඅනාගතය අපට ඕන ව්දියට අතීතයෙ දවසකදි කපල කොටල අපි විසින්ම හදාගෙන පස්සෙ අමතක කරල දාල අනාගතයෙ දවසක ඒකෙ ප්‍රතිඵල ලැබෙන කොට අපි ඒකට දෛවය කියල බොරු නමක් කියනව.

තවත් එක දවසක් ම විතර ද..??

තුංග වෘක්ෂයන් වෙති අපමණ
ඵල වැල සිසිලස සුවද බෙදා දෙන
බෝසත් පාරමී දහම් නොපුරන
බෝසතුන් තරමටම කුළුණුබර..

ඇස් ඉස් මස් රුහිරු බිදු දියකර
පෙවී උන් අප හටම සිප් කිර
නොපැතීය ආපසු කිසිත් කෙලෙසක
ගෙවන්නද කෙලෙස මේ උතුම් ණයබර..

පවර වෑ දිය මෙනි දයාබර
කෙත් සාරවත් කර සිනාසෙන
කිසිත් කිසිදා කියා නොමයන
හදේ ගැඹුරෙම තබා හිනැහෙන ..

නොනැවතෙන හුස්මකි පණ ගැහෙන සිරුරකි ...

අහසටත් අමතක ව

බිම වැටුණු තරුවකට

පණ දෙන්න බැරිවාද

මුඩුක්කුවෙ හුස්මකට...

එන්න කවුළුවෙන් පිටතට පියඹන්න

පුෂ්ප මකරන්ද යෝ අඳුරු ගුහා වන් හි ම සැඟව මිය යා යුතු නොවේ... නිතරම රොන් උරනා බඹරුන්ට පාවාඩ පිණිස එළිය යුතු ද නොවේ... ඒ තුළින් අළුත් ජීවිතයක් දැකිය යුතු ය යන්න මගේ අදහසයි... අනේක වූ අකුරු මැද සරණ සිය ගණනක් වූ වියුණු සටහන් කරුවන් අතර අති විශිෂ්ටයන් අතිමහත් ය... ලියන්නන්ට වඩා කියවන්නන් ද එසේම ය. නමුත් ඔවුන් බ්ලොග් අවකාශයෙන් එහාට සිය අත්තටු විහිදා පියඹා යන්නේ කලාතුරකිනි... ඉදින් අලසකම පසෙ කලා ඔබේ නිර්මාණ වැඩි පිරිසක් අතර බෙදා හරින්න සුදානම් වන්න යැයි යැයි මම ඔබෙන් ඉල්ලමි...

2015 සුභ නව වසරක් වේවා..!!!

ලියා තබා ගන්න

ඔබේ හදවතේ

අලෝකවත්ම කුටීරය තුළ

ඔබේ ප්‍රියතම වර්ණයන් ගෙන

එළඹෙනා සෑම දිනයක්ම

ඔබේ ජීවිතයේ

හොදම දිනයක්

බවට....

2014 කියන්නෙ මට නං පාර අයිනෙ ඉන්න ට්‍රැෆික් සාජන්ට් කෙනෙක් දැකල හැටට හැටේ පාගපු හෙල්මට් නැති බයික් කාරයෙක් වගේ.. හිතන්නත් කලිං ගිහින් ඉවරයි.. මට මතකයි සමහර වෙලාවල් වලට මම පොඩි පොඩි සිගිති ආතල් ගත්ත... හැම කෙනාම එහෙම කරන්න ඇති. නෑ කියන්න කාටවත් පුලුවන් කියල මම හිතන්නෑ... ඒ ඇරෙන්න මම ඇත්තටම කියපු (මඩ වත් අපහාසවත් නෙවී පෝස්ට් ගැන මට ඇත්තටම හිතුණ දේ) සමහර දේවල් හන්ද සමහර අයගෙ හිත රිදුණ.. ඇත්තටම මම කාටවත් එහෙම අදහස් කරගෙන දෙයක් කියන්නෑ... මට හිතට දැනෙණ දේ අවංකවම කියනව.. එච්චරයි... තමන් දෙයක් භාර ගන්න විදිය අනුවයි හැම දේම වෙනස් වෙන්න...

ඉතිං ඒ පහුගිය කතා වලට යන්න කියල සුපුරුදු පරිදි මගේ හය්යෙන් ඔයාලගෙ පෙට්‍රල් වලින් මේ ගමන යන්නයි මගෙ බලාපොරොත්තුව... නම් වශයෙන් කියන්න බැරි වුණත් මගෙ වියුණු සටහන ආරම්භයේ ඉදලම මා එක්ක හිටපු හැමෝටම බොහොමත්ම ස්තූතියි... මාත් එක්ක මේ කෙටි කාලය පුරාවටම හිටිය වගේ ඉස්සරහටත් ඉන්න කියල මම ආරාධනා කරනව...

2015 නව වසර ඔයාලට වගේම ඔයාලගෙ පවුල් වල අයටත් අත මිට හිග නැති කුසගිනි නොම ඇති එළවළු හාල් පොල් පෙට්‍රල් ගෑස් මදි නොකියන්න ලැබෙන

කෙල්ලො නැති කොල්ලන්ට කෙල්ලො හම්බෙන

කොල්ලො නැති කෙල්ලන්ට කොල්ලො හම්බෙන

ගල් ඕන උන්ට ගලුත් පොල් ඕන උන්ට පොලුත් අඩු නැතිව හම්බෙන

ශ්‍රී සුභ නව වසරක් වේවා.............!!!!!!