එන්න කවුළුවෙන් පිටතට පියඹන්න

                           

 පුෂ්ප මකරන්ද යෝ අඳුරු ගුහා වන් හි ම සැඟව මිය යා යුතු නොවේ... නිතරම රොන් උරනා බඹරුන්ට පාවාඩ පිණිස එළිය යුතු ද නොවේ... ඒ තුළින් අළුත් ජීවිතයක් දැකිය යුතු ය යන්න මගේ අදහසයි... අනේක වූ අකුරු මැද සරණ සිය ගණනක් වූ වියුණු සටහන් කරුවන් අතර අති විශිෂ්ටයන් අතිමහත් ය... ලියන්නන්ට වඩා කියවන්නන් ද එසේම ය. නමුත් ඔවුන් බ්ලොග් අවකාශයෙන් එහාට සිය අත්තටු විහිදා පියඹා යන්නේ කලාතුරකිනි... ඉදින් අලසකම පසෙ කලා ඔබේ නිර්මාණ වැඩි පිරිසක් අතර බෙදා හරින්න සුදානම් වන්න යැයි යැයි මම ඔබෙන් ඉල්ලමි...

                                                          මා මේ කියන්න ක් පිළිබඳ ව ඔබ මේ වන විට දන්නවා විය හැක... නො දන්නවාද විය හැක... එහෙත් මේ සටහන කියවීමෙන් ඔබට ප්‍රයෝජනයක් වේ නම් මගේ සතුට එය යි..

                                                          ඊ සංකලණි යනු අන්තර්ජාලය හරහා සිය නිර්මාණ අත්දැකීම් බෙදාහදාගන්නා ලේඛකයන් ගේ අදහස් ප්‍රකාශනයේ අළුත් මුහුණුවරකි.. සංකල්පයකින් ඔබ්බට ගොස් ලංකාවේ ප්‍රථම ඊ සඟරාව බිහි වන්නේ ඊ ලේඛකයන් ගේ අවකාශයේ සාමාජිකයන් කීප දෙනෙකුගේ අදහසකට අනුවය... එහෙත් එය යථා වක් බවට පත් වන්නේ අනිල් හේරත්, ප්‍රභාත් විතානගේ, සුනෙත් අනුරුද්ධ , දයා දිසානායක වැන්න වුන් ගේ අප්‍රතිහත ධෛර්ය නිසා බැව් මම සිතමි... (නම් වශයෙන් සියල්ලන් ගේම නම් මෙහි ලිවිය නො හැකි වීම පිළිබඳ සමා වන්න)

                                                              මෙම මස දී ඊ සංකලණියේ මංගල කලාපය නිකුත් වූ අතර එය ඊ සංකලණි වෙබ් අඩවියෙන් බාගත කර ගත හැක... එසේම මීළඟ කලාපය සදහා මේ වන විට නිර්මාණ භාර ගන්නා බැවින් ඔබගේ නිර්මාණ ඊට යොමු කල හැකි අතර වාරණයකින් තොර ව (අසභ්‍ය ප්‍රකාශන හැර) සියල්ල පළ කෙරේ...

                                                              පහත දක්වා ඇති සබැදියන්ගෙන් ඔබට ඊ සංකලණී මංගල කලාපය ද නව නිර්මාණ යොමු කිරීම සදහා වන උපදෙස් හා ඊ ලිපිනද දක්වා ඇත....

ඊ සංකලණී වෙබ් අඩවිය

ඊ සංකලණි බ්ලොග් අඩවිය

ඊ සංකලණි මංගල කලාපය මෙතනින් ගොස් බාගත කරගන්න

නව නිර්මාණ ලබා දීමේදී පිළිපැදිය යුතු උපදෙස්

ඔබේ නිර්මාණ යැවිය යුතු ලිපිනයන්...

1. esankalani@read.lk 

2. esankalani@gmail.com

(කැමැත්තේ නම්) ඊ ලේඛකයන්ගේ සමූහයට මෙතනින් ගොස් සම්බන්ධ වන්න...

පිංතූරය-- ඊ සංකලණි මංගල කලාපයේ පිට කවරය