කට කහන කවි - දැන් සනීපද..?

අපි ජාති වාදී නැත  අපි හෙණ පොරවල්ය

කියනා උන් ළඟත් ජාතිවාදය තිබේ

මාලිංගට ප්‍රේම කර කෝලිට වෛර කරන්නේ ඒ හින්දාය..

අමරදේවයන් ශාස්ත්‍රීය යැයි සංකීර්ණ යයි කියයි

ජෝතිපාලයන් සරල යැයි අපූර්ව යැයි කියයි

මනුෂ්‍ය සන්තානයේ ඇති සංකීර්ණත්වය හන්දාම

ඔවුන් දෙදෙනාම පුරාවෘත්ත ගතව ඇත...

 මිනිසුන් ස්වකීය ජීවිතයේදී  බොරු කියන්නට සිදුවේ

නමුත් බොරුව ජීවිත් කරවීම නුසදුසුය

සත්‍ය කියා දෙයක් තබුණි යැයි අමතක විය හැකිය...

ශ්‍රීගෞතම සම්බුද්ධයන්  ඝාතනය නොවුනේ

බ්‍රාහ්මණයන් හොද හින්දා යැයි නොසිතමි

පිය රජු සුදොවුන් හන්දා යැයි සිතෙයි...

නමුත් යුරෝපයේ බමුණන් වෙනුවට

පූජකයන් සතුව කුරුස තිබුණි

යේසුස් ට සිය සිරුර හිල් කරගිය ඇණද සහිතව

කුරුසයක  එල්ලෙන්නට සිදුවුණේ ඒ හන්දාය...

වචන භයානකය

ප්‍රවේසමෙන්  පාවිච්චි කළ යුතුය

මන්ද මාළුවා නහින්නේ කට හන්දා යැයි

අප ඉගෙන ගෙන ඇති බැවිණි....

පූසා අන්ධ වී ඇත 

ඌ උගේ සහජ ඉවවත් පාවිච්චි කරන්න නොහිතන්නේය

ඒ හන්දා දෝ  මීයන්  ඌ ඉදිරි පිට නටන්නේම

නිරුවතිනි

මට අසන්නට ඇත්තේ දැන් සනීපද 

කියා පමණි...