අටවෙනි කතාව ලෙස දිගහැරෙන ‘’අගාධය හරහා තුනී දැල’’ කෙටිකතාව හැරුනු විට අනෙත් කතා කිහිපයම එකම වට්ටෝරුවකට අනුව වෙනස් අමුද්‍රව්‍ය යොදා හැඩ ගැන්වූ ජෙලි බඳුන් කිහිපයක් බඳුය. ඒ වා කියවන විට රසවත්ව මිහිරිවට දැනෙයි. නමුත් කියවා අවසන් වූ පසු දැනෙන්නේ ජෙලි බදුනක් අනුභව කල පසු දැනෙන හිස් ගතියම ය.
කෙටි කතා සංග්‍රහයක් ලෙස මා හට නම් ගෙදර වට සිතියම බලාපොරොත්තු කඩ කල කෙටි කතා සංග්‍රහයක් වුව කෙටිකතාව පිළිබඳ ලාලසාව ඇත්තෙක් ලෙස එහි වන නිදහස් මිහිරි බව අගයකල යුතු බව සිතෙයි. සාටෝපවත් සංකීර්ණත්වයකින් පාඨක මනස වෙහෙසන්නට තැත් නොකොට කතුවරයා තමන්ට කියන්නට අවැසි වූ කතාවන් නිදහස්ව සරලව කියා ඇති අයුරුව අපූරුය.
මා ගේ අදහස් මෙසේ වුව අප සෑම දෙනාගේම රසවින්දන පරාසයන් වෙනස් ය. මෙය කියවිය යුතු සහ නිදහස්ව රස විඳිය හැකි කෙටි කතා සංග්‍රහයක් ලෙස මම දකිමි.
කෘතිය - ගෙදර'වට සිතියම
කර්තෘ- ලියනගේ අමරකීර්ති
ප්‍රකාශනය - විදර්ශන
මිල - රු. 400.00
පිටු - 184
ඇගයීම - 3.5/5
No comments:
Post a Comment