පරිවර්තන - සන්තෘෂ්ටියේ ඉසිඹුව - A moment of happiness - By Mewlana Jalaluddin Rumi

සන්තෘෂ්ටියේ මොහොතක්ය,

ඔබ හා මම, ආලින්දයෙහි වාඩි ලා සිටින

දැකුමෙන් දෙදෙනෙක්ව හඟින, එක් ආත්මයක් හිමි

ඔබ සහ මම,

අපට ජීවනයේ ගඟ ගලා යනු දැනෙනු ඇත

ඔබ හා මම උද්‍යන සිරිය මධ්‍යයෙහි 

කුරුලු කූජන විඳිනාතර

තාරකාවෝ අප  දෙස බලා හිඳිනු ඇත

කෙසඟ චන්ද්‍රවංකයක් වීම කුමනාකාරදැයි

අප ඔවුනට පෙන්වා සිටිය යුතු වෙමු

ඔබ හා මම එකෙකු ලෙස, එක්වම

අනුමානයන්ට උදාසීනව, ඔබ හා මම

ස්වර්ගීය ගිරවුන්ද මහත් වූ ප්‍රීතියෙන් පසුවනු ඇත‍

අප එක්ව සිනා නඟන සඳ, ඔබ හා මම

එක් වෙසකින් මෙ ධරණි තලය මතුයෙහිද

තවත් වෙසකින් කාලවියුක්ත මිහිරි දේශයකද

                                                    

A Moment Of Happiness

A moment of happiness,
you and I sitting on the verandah,
apparently two, but one in soul, you and I.

We feel the flowing water of life here,
you and I, with the garden's beauty
and the birds singing.

The stars will be watching us,
and we will show them
what it is to be a thin crescent moon.

You and I unselfed, will be together,
indifferent to idle speculation, you and I.

The parrots of heaven will be cracking sugar
as we laugh together, you and I.

In one form upon this earth,
and in another form in a timeless sweet land.

දහතුන් වන සියවසෙහි ජීවත් වූ ශ්‍රේෂ්ට කවියෙකු  ලෙස සැලකෙන මවුලානා ජලාල් අල්-දින් මුහම්මද් රුමි හෙවත් රුමි පර්සියානු ජාතිකයෙකි. ඔහුගේ කාර්යයන් පාර්සි බසින් ලියැවී ඇතිවා වුවද ඇතැම් පද්‍යන් සඳහා තුර්කි අරාබි සහ ග්‍රීක් යන භාෂාවන්ද යොදාගෙන ඇත. රුමි ගේ පද්‍යයන් පර්සියාව මතුයෙහි පමණක් නොව ලොව සිවු දෙසම පැතිර ඇති අතර ලොව බොහෝ කවීන්ට උත්තේජනයක්, අනුබලයක් වී ඇත. 

A Moment Of Happiness  ලෙසින් හඳුන්වන, මා විසින් පරිවර්තනය කර ඇති මෙම පද්‍යය ඛණ්ඩය මාගේ ප්‍රථම පරිවර්තන ව්‍යයාමය වන අතර අඩුලුහුඬුකම් ඇති වග පිළිඟනිමි. නිවැරදි කළ හැකිනම් එය අගය කොට සලකමි.

ස්තූතියි ☺️