වෙන්ව යන්නම ඕනද අප

හුඟ දවසකිනුයි  මම මේ       ලියන්නෙ

ඒකත් ඔබ  නිසාමයි ලිය          වෙන්නෙ

මේ තරම් කල් නිස්කලංකෙයි    උන්නෙ

ඔයා ඇවිදිනුයි මේ හැමදේම   වෙන්නෙ

බැල්කනියට ඉහළින් පහතින්  පෙනෙන්නෙ

තනිකරම නිස්සද්ද හුදකලාවයි දැනෙන්නෙ

ඔයා කොහොමද මේ හදවතට   එබෙන්නෙ

අන්න එතනයි හැමදේම පටන්        ගන්නෙ

මතකයක් කියන්නෙම හුදකලාවට කියන  තව නමක්

ඒ මතකයට ඔයා ඇවිදින් දුන්නෙ වෙනස්ම       අර්ථයක්

ඒ වුණත් ඉතින් පිළිගන්න වෙනව නම් යම්   දෙයක්

ඔබ  ඔතන මම මෙතන අප දෙදෙනතර නෑ   හෙට දිනක්..