හැබෑටම මේ වෙසක්මද ඈ.....?

                                                            කීප තැනකම වෙසක් පොහෝ දිනයත් ඒ නිමිති කොට ගෙන පැවැත්වෙන්නා වූ යම් යම් උත්සව ගැනත් යම් යම් කතිකාවන් ගොඩනගන්නට උත්සාහ දරා තිබෙණු දුටුවෙමි... එසේම වෙසක් ශ්‍රීය මේ යැයි කියමින් තැබුණු ලිපිද දක්නට ලැබුණි...(සොමියා  සෑම්  සිරා  තුශානි     ) එහෙත් පසුගිය වසර කීපය හා සසදන කල්හි වෙසක් සැමරීම ගැන බෞද්ධයාගේ යම් අලස බවක් හා (පසුගිය තෙවසරම වෙසක් මේ යැයි යන්න නොදුටු නිසාද කියන්නට සිතාගත නොහැක..) මන්දගාමීත්වයක් දුටුයෙමි.. එලෙසින්ම සංයමයෙන් හා ශ්‍රද්ධාවෙන් හැසිරිය යුතු දිනයක් අවිනීත අශික්ෂිත වීම කෙරේ නම් මා සෑහෙන මට්ටමකට කළකිරුණ වග නම් සදහන් නොකරම බැරිය.

                                                           පුරා දෙදහස් පන්සිය වසක් මුළුල්ලේ අප ජාතිය වෙසක් උළෙල උත්සව ශ්‍රීයෙන් සමරන්නට ඇති වග නම් නිසැකය... එහෙත් වර්තමානයේ පවතින්නා තරම් පරිහාණියක් ඔවුන් කිසි දිනෙකත් අපේක්ෂා නොකරන්නට ඇති වගද එසේම සිතාගත හැක.. නොමනා විහිළු වලින් හා අසංවර හැසිරිම් වලින් පිරුණු වෙසගක් මා මීට පෙර දුටුවේම නැති.. ඒ අතින් හොල්මන් ගුහා සහ ඔළුබක්කන් තහනම් කිරීම ගැන නම් පො.මා.ප්‍ර ව අගය කල යුතු තරමේ ක්‍රියාවකි..

                                                           රාත්‍රිෙය් වෙසක් සිරි විදින්නට යන ජනයාට, විශේෂයෙන්ම ස්ත්‍රී පාර්ශවයට කරන්නා වූ නොයෙකුත් නින්දා වන් හා අසංවර විහිළු දැක පොලිස් මාමලාත් කට පියා අහක බලා හිදිති.. නැතහොත් ඊට අනුබල දෙන්නා සේ උහුද සිනා සී ඉන් තෘප්තියක් ලබති.. මේ නිසා ඉන් තව තවත් උද්දාමයට පත්වන්නන් එම වැරදි පෙරටත් වඩා විශාලව කිරීමට පෙළඹෙනවා පමණක් නොව තම මව් හෝ නැගණියට සම වයස් වන කාන්තාවන්ට අසෝබන වදන් ප්‍රකාශ කිරීමට තරම් දිරිමත් වේ... වෙස් මුහුණු දමාගෙන කරනා විගඩම්ද නොලියාම බැරිය... මේවා දාගන්න සම හරක් පාරේ යන ගමන් හිටි හැටියේ පාරට පැන වාහන වලට බාධා කරන්නේ කුමන නිසා දැයි සිතාගත නොහැකි වුණත් ඒ තම නපුංසක පොර මානසිකත්වය පෙන්වා සිටින්නට දරණ වෑයමක් දැයි අපට හැගේ... මේ ජාතියේ අයියලා සමහර විට පාරේ යන ඇන්ටි නංගිලාගේද පස්ස මිරිකන්නට නොපැකිලේ... එහෙත් ඊට එරෙහි වන්නට කිහිපදෙනෙක් හෝ එක් අයෙක් පැකිළුණත් ඒ ජාතියේ අයියලාට මතක හිටින්න පාඩමක් ඉගන ගැනීමට ලැබෙන අවස්තාද නැතිව නොවේ... මේ අතරට ඔබ්බවිය යුතු තවත් කරුණත් නං කං දෙක කීං ගාන්න තරං හයියෙන් කණටම කර පිඹින නලාය.. රුපියල් පණහක් දී මේකක් මිලදී ගන්නා  සම හරක් පාර දිගට පිඹ පිඹ යාමෙන් තෘප්තිමත් නොවී නංගිලාගේ අක්කලාගේ කණටම තියා පිඹින්නේ හරියට එහෙම නොකලා නං වෙසක් කියා දෙයක් නෑ වගේය... පොලිස් මාමලා කීප දෙනෙක් ඩෝප් වී සිටිනවා දුටුවෙමි... ඒ ගැන කිසිත් කියා පලක් නැති නිසා ඒ ගැන සදහනක් නොකරමි...

                                                        තවත් කිව යුත්තක් ඇත ඒ දන්සැල් සම්බන්ධවය.. බොහෝ ඈයන් දන්සැල් දෙන්නේ පින් සලකා නොව ආතල් එකට බව පෙනෙන්නට තිබේ.. ලියාපදිංචි නොකරන දන්සැල් වලට පමණක් පනින පීඑච්අයි මහත්තරුන් සිටින රටක ඒ වගේ දන්සැල් වල තත්වය ගැන නම් කියන්නටම දෙයක් නැත... බොහෝ විට මෙවන් දංසැල් වලින් ස්ත්‍රී පාර්ශ්වයට ලැබෙන වාසි මෙන්ව අපහසුතාද එමටය.. ලියනවා නම් ඒ ගැන වෙනම ලිවිය හැක. බෞද්ධ කෙඩිය දන්සැල් වල භාවිතය තහනම් වීම නිසා කොල්ලන්ට කොඩිය සරමක් මෙන් ඇගේ පටලාගැනීමේ අවස්තාව ඇහිරි ගියේය.. එහෙත් සමහර පැති වල තවමත් බෞද්ධ කොඩිය මේ සදහා යොදා ගන්නා බව මා සියැසින් දුටුවෙමි... එසේම දන්සැල් වල පෝලිම් වල සිටිද්දී කොළු නඩයකට ඉදිරියෙන් සිටින්නේ ස්ත්‍රියාවක් නම් ඇයට සිදුවන්නේ වෙසක් එකෙත් මෛත්‍රී කිරීම නොව වෛර පාරමිතා පුරන්නටය..

                                                         තවත් මේ ගැන කියන්නට දේවල් ඇතත් ලිපිය දික් ගස්සන්නට උවමනාවක් නැති නිසා හැමදාම දකින එක් දෙයක් ගැන  පමණක්, කවදාවත් නිවැරදි නොවෙන දෙයක් ගැන කියා ලිපිය හමාර කරමි...

                                                       දන්සැලක් තිබෙන ස්ථානයක හෝ ඊට ආසන්න ස්ථානයක දන්සැල අහවල් දින අහවල් වෙලාවට අහවල් දේ දෙනවායි කියමින් අටවා ඇති බෝඩ්, (බොහෝවිට මේවා බැනර්ය,) ඔබ දැක ඇතුවාට සැක නැත.. මේ දැන්වීම් වල සදහන් වන කිසිදාක නිවැරදි නොවෙනා එක් දෙයක් මා හැමදාම දකිමි..

මහා බත් දන්සැල, මහා නූඩ්ලස් දන්සැල, මහා කෝපි දන්සැල.. මහා අරක මේක

                                                      යනුවෙන් සදහන් කටවුටු වල නිවැරදි නොවෙන්නා වූ මේ ව්‍යාකරණ දෝෂය එක් රූපවාහිණි නාලිකාවක විද්වත් කතිකාවකට එක්වූ මහාචාර්ය වරයෙක් පෙන්වා දුන්නේ යළිත් මෙලෙස මේ වැරැද්ද නොකරන ලෙස ඉල්ලමිනි.. එහෙත් අද දක්වාම නිවැරදි නොවූ මෙය එලෙසින්ම යොදනවා මම දැක ඇත.. වඩාත් විහිළුවට කරුණ නම් එම සාකච්චාව පැවැත්වූ රූපවාහිනී නාලිකාව සංවිධානය කරනා බත් දන්සැල් වල පවා උක්ත වැරැද්ද එලෙසම සිදු කර තිබීමයි...

මෙවර අපේ සහයෝගයෙන් පැවැත්වුණා වූ දන්සැලද  නිසි ආකාරවම සිදුවුණි.. පිඑච්අයි මහත්වරුද කියන්නට වැරදි නැති තරම් වූ නිසි ප්‍රශංසා කර ගියෝය.. එහෙත් උක්තව මා සදහන් කළ ව්‍යයකරණ දෝෂය නිදොස් කර අවැසි වදන්ද සකසා අවශ්‍ය ආකාරයද මෙලෙස යැයි දැනුවත් කර බැනරය මුද්‍රණය කරන්නට දුන්නේ මා විසින්මය... මට පුෂ්පය විකසිත වුනේ නිදොස් කර ලියා තිබූ වාක්‍ය මූ විසින් නැවත වෙනස් කර තිබීම නිසාය.. අපේ මාමාට පිංසිදුවෙන්න උට උගේ ගතමන්ට් එක ලැබුණා විණා මම තනියෙන් ගියා නම් උට උගේ බැනරයද මුදල්ද නැතිඅ වන්නට තිබූ ඉඩකඩ ඉතාම වැඩිය.. ඇයි යකෝ ලැජ්ජාව..... :D

පසු සටහන--- මා මෙය ලිවුවේ හුදෙක් මා දුටුවේ හොදට වඩා වැරදි කප්පරක් තරම් යැයි සිතුණ නිසා මිස කිසි වෙකුට හෝ පහර ගසන්නට නොවේ... එසේම මේ මා අත් දැකි දේ විනා අසා ලිවීමක්ද නොවේ.. මා මේ වසරට පෙර අවසන් වරට වෙසක් උත්සවයක් දුටුවේ 2010 දීය... එදා හා අද දුටු දේ වල දොස් පරොස් සොයන්නට යාම නිෂ්ඵල ක්‍රියාවක් යැයි  සිතමි... එනිසා ලිපිය මේ ආකාරයට වෙනස් කර පළ කළෙමි.

ප.ප.ලි.- ඔබෙන් යමක් අසන්නෙමි... අකමැත්තක් නැතිනම් පිළිතුරක් දී යන්න...
             මහා තොරණ් රාජයා හරිද වැරදිද...???? හරි නම් ඒ ඇයි..?? වැරදි  නම් ඒ ඇයි...??