හැඩකාර යක්ෂණී...

                                                                     

කතාවට වගේ කියනව නෙ අපි ආදරේ අය අපිට ආදරේ නෑ කියල.. ඒ වගෙම තමා අපි ආදරේ කරන අය වුණත් වෙලාවකට අපිව තේරුම් ගන්නෙ නෑ. ඉතිං කොච්චර ආදරේ උනත් ඒ වගේ වෙලාවට පොඩ්ඩක් කේන්ති යනව නේද.. ඉතිං මං මේ කියන්න යන කතාව ඒ වගේ කතාවක්.. ආදරය වෛරය වගේම පළිගැනීම අපූරුවට දෘශ්‍යමාන වුණ කතාවක් . ඒ වගෙම තමා බල ලෝබය හිංද මිනිස්සු කොයි තරං ආත්මාර්ත කාමී වෙනවද තමන්ගෙ වාසියට මොනවද නොකරන්නෙ කියල හොදටම පෙන්වන කතාවක්.. ඒ වගෙම ධෛර්ය වන්ත ගැහැණියක් ගැන කතාවක්.

දැං බලන්න එපා මොකද්ද මේ අගක් මුලක් නැති වැල් වටාරම කියල...

ඔය ඉතිං කලබල වෙලානෙ... හිහි

ඒක ගැන තමා මේ කියන්න යන්නෙ...

Revolver Rani(2014)

රිවෝල්වර් රාණි.(Revolver Rani) මේකෙ IMDB මීටරේ නං 5.7ක්. මේක ඉන්දියාවෙ තිරගත වුනේ 2014 අප්‍රේල් 25 වෙනිද ඉදං. අපි කව්රුත් දන්න කන්ගනා රනවුත්(Gangster, Fashion, Queen,) තමයි මේකෙ රාණි විදියට රගපාන්නෙ.  මේකෙ හොද කොපියක් මට හම්බෙලා සෑහෙන දවසක් වුණත් පෙරේද(බදාද) තමා හිතුනෙ මේකට මං සබ් දාන්න ඕන කියල. ඉතිං සූම් එකෙන් අවසර ලැබුණාම මං ඊයෙ(බ්‍රහස්පතින්ද) තමා පටන් ගත්තෙ අද දවල් වෙද්දි ඉවර වුණා.

ඉතිං වැඩි පල් හෑලි මොකටද කතාව චුට්ටක් විතර කියන්නංකො.

අල්කා සිං(කන්ගනා රනවුත්) එහෙමත් නැත්තං රිවෝල්වර් රාණි කියන්නෙ පොඩිකාලෙ ඉදං හොදට දුක් විදල මැරයන් අතරෙම මැරයෙක් විදියට හැදිච්ච කෙනෙක්. මෙයා කවදාවත් හොදට කතා කරල නැතිව ඇති. ඉන්නෙ මෙයාගෙ මාම එක්ක. ඒ වගේම බොරුවට වංචාවට කැමතිම නෑ. ඔහොම ඉද්දි මෙයාට යට කලිසං ඇදපු පිරිමි ඉන්න තරගයක් විනිශ්චය කරන්න අවස්තාවක් හම්බ වෙනව. එතනිං ජයගන්නෙ රෝහන් කපූර්(Vir daas) ඉතිං මේ රෝහන් කපූර් අල්කට කතා කරල එයාගෙන් නම්බර් එක එහෙම ඉල්ලගෙන පොඩි පැණි පාරක් එහෙම හලනව. මූ හෙන නළුව කියල හිතං ඉන්න මරිසි ඩයල් එකක්. කොහොම හරි අල්ක රෝහන් එක්ක යාළුවෙනව කියන්නකො... එතනිං එහාට අල්ක ගෙ හැම දේම වෙනස් වෙනව. හුගක් දේවල්.. රෝහන් හිංද එයාට ගොඩක් දේ අහිමි වෙනව... ඒ වගේම අංතිම තත්පරේ වෙනකං රෝහන් ගැන අල්ක දැන ගන්නෙ නෑ. 

ඒ ඇයි ඒ... අල්කට මොනව වෙයිද...? රෝහන් කියන්නෙ මොන වගේ සත්වයෙක්ද.? ඇයි අල්ක ගාවට එන්නෙ... මේ හැම දේටම උත්තර හොයාගන්න ඕන නං ඔයාලට මේ චිත්‍රපටිය බල්නම වෙනව. ඒ වගේම මේ චිතුපටයට තියෙන්නෙ තව කොටසකට අනුබල දෙන අවසානයක්.. ඒත් ඒ ගැන තවම නිල ප්‍රකාශයක් කරල නැති හිංද ඒ ගැන මොනවත් කියන්න යන්නෙ නෑ.. මං මේ කතාව ගැන කීවෙ බොහොම පොඩ්ඩයි... ඒ හිංද ඔයාලට නිදහසේ බලන්න පුළුවං... චිත්‍රපටය බැලුවහම තේරෙයි ඇයි මම පෝස්ට් ටයිටල් එක අර වගේ ලීවෙ කියල. 

එහෙම නං චිත්‍රපටිය බලල ඔයාලට හිතෙන දේත් කියල මං මේ වැඩේට හොද වෙයිද කියල එහෙම යන්න හොදේ...

                     

                         සිංහල උපසිරැසි හා චිත්‍රපටය මෙතනින් බාගන්න

පසු සටහන      = පසුගිය දවස් දෙකෙහිදීම බ්ලොග් කියවීමට හෝ පෝස්ට් කොමෙන්ට් කිසි දෙයකට අවකශයක් මේ උපසිරැසි ගැන්වීමට කාලය කැප කල නිසා නොහැකි විය. ඒ ගැන උදක්ම ඔබෙන් සමාව අයදිමි.